Linda Madsen

Namminersortutut ingerlatseqataaneq ukiuni 15-nik annerusunik misilittagaqarfigaara. Tunngaviusumik allaffimmiutut ilinniarsimasuuvunga, 2013-mi ilinniarninnik naammassinnillunga.

Inoqatinnik suleqateqarneq inuunermillu oqinnerusumik ujartuineq soqutigisuugakku dec. 2011-mi Professionel Coach-itut naammassinikuuvunga. Tunngaviit pingasut pillugit 3P Instituttet-mi ilinniarnera ingerlatnnikuuara 2021 upernaakkut naammassillugu. 

Suliffeqarfinnik Ingerlatseqataaninni sulisoqarnermi akisussaasutut ukiuni arlaqartuni inissisimavunga. Pissutsit sulisoqarnermut tunngasut oqinnerumaat oqimaannerumaallu qanimut misilittagaqarfigilluarpakka. Sulisunillu oqaloqatiginnittarnerit annertuumik aamma misilittagaqarfigalugit. Taassumalu saniatigut suliffeqarfiit arlallit sulianut tunngatillugu aamma attaveqatigilluartarlugit.

Timersornerup silarsuaani sulineq aamma nuannarilluinnakkama ilagaat, bestyrelsenut peqataanerma saniatigut aaqqissuussani minnerusuni annerusuniluunniit aamma suliaqartarninni suliqatigiinneq annertooq misilittgaqarfigilluarpara.

Inuunermi ataasioqatigiinneq

Inuulluataaginnarit inuunerup inuuneraatit

Christina Møller Hardenberg

 Tunngaviusumik ergoterapeutitut ilinniarsimasuuvunga 2010-mi naammassillunga, tassanngalu psykiatri iluani pisartut pisullu ilisimasaqarfigalugit, annerusumik nikallungasarneq, annilaangasarneq, uippakajaartarneq pillugu sammisarisimallugit. Sulininni inunnik sullissinermi oqimaatsorsiortunik oqaloqateqarneq misilittagaqarfigilersimavara ulluinnarnilu sullissat anguniagaanut tapersersuineq aallutarisimallugit.

Nunarput tamakkerlugu innarluutilinnut siunnersuisarfimmi ukiut arfinilinni sulininni silarsuaq taanna aammalu aporfiit pisortaqarfinni ilaqutariinnilu ilisimaarilersimallugit.

2016-mili namminersortutut uigalu ingerlavugut takornarialerisutut aallussaqarluta, nunarsuaq tamakkerlugu nersortaat tunniunneqartartoq pingasoriaq aasimallugu.

Suliavut pingaartillugit ingerlataraavut aallarnisaasutullu inissisimanera nutaaliornissannut periarfissiisuaannarpoq.

2020 upernaakkut tunngaviit pingasut pillugit atuarnera naammassivara, taamaasillunga inuunermut isumaliortaaseq ammanerusoq aallaavigalugu sulinera ingerlatilerlugu. Tunngaviit pingasunut paasinnilernera massakkut inuuninnut tunngaviliisorujussuuvoq.

2021 iheart tunngaviit ilinniarlugit aallartippara, meeqqanut inuusuttuaqqanullu atuartitsisunngorniarneq, paasivaralu tunngaviit pingasut siornatigut ilinniarsimasara tunulliuteriarlugu iheart tunngaviit aallukkusullugit. 

2022 iheart inersimasunut iheart tunngaviit atuartitsissutigisinnaanngorpakka. 

Nammineerlunga uippakajaarneq, annilaanganeq eqqarsarpallaarujussuarnerlu, timikkut nappaatit arlallit, fibromyalgi, endometriose, niaqorluttuaannarnerit, migræne, nerisassanik sapigaqarneq, timikkullu anniarujussuartarnerit iheart tunngaviit paasilernissaata tungaanut atugarisimavakka maannalu toqqissisimaneq, inuunermut tatiginninnerujussuaq eqqissinerlu atugaralugit timikkullu nappaataarunneq pigilerlugu <3