Takorloorsinnaaviuk?
Inuusuttortagut inuunermi tatitussuseqarluni imminut aqqutissiornissamik ilitsersuummik peqalernermi kingorna imminut qaamanerusumik siunissaqartilersinnaasut?
Atuartitsinerup suna siunertaraa?
Atuartitsinermi meeqqat inuusuttullu tatitussusaat isumaliortaatsikkullu peqqissusaat ilaanni asseqqasutut misinnarsinnaasut nuisinnissaat siunertaavoq. Inuunermi tatitussuseq isumaliortaatsikkullu peqqissuuneq ilaanni tammaqqasutut misinnarsinnaasaraluartut tammarsinnaanngisaannarneranik inuunermilu ingiaqatigisuaannarneranik ilisimannilerneq meeqqani paasinarsissaaq.
Pitsaassuseq
Atuartitissutissat Matrix Standard-imit pitsaasutut naliligaapput inerisarneqartuarlutillu. Matrix Standard ilinniarfeqarfinni atuartitsissutissat pitsaassusaanik naliliisartuuvoq. iheart facilitatorit ukioq kaajallallugu pitsanngorsarneqartuarput inerisartuarneqarlutillu.
Matrix Standard-imit uppernarsaat uani aasinnaavat
Atuartitsissutissat imarisai
Atuartitsissutissat tuluit nunaanni atuarfeqarfiit ilinniartitsisut meeqqallu suleqatigalugit pilersitaavoq. Atuartitsissutissat kalaallisuumut nutserneqarnikuupput
Qulequttat sammineqartussat
- Silappit qanoq sulisuunera nutaanerusumik paasillugu
- Atugassagut tamaasa qamani pigereerpagut!
- Sianissutsitta sullissisua silassorissuuvoq
- Sooq taamak eqqarsartuunitta misigisuunitta pissusilersortuunittalu misissuataarnera
- Isumaqatigiinngikkaluarluta kammagiissinnaavugut?
- Uippakajaarpunga eqqissiviilliorlungalu, eqqarsarpallaarneralu unitsissinnaanagu!
- Maggusimasutut misigaanga iperaasinnaanangalu!
- Inuit puussatulli taaguusersugassaanngillat!
- Ikiu, qinngasaarneqarpunga, aamma Ikiu, kamaga aqussinnaanngilara!
- Mobilera iperarsinnaanngilara. Pinngitsuuisinnaajunnaarsimavunga?
- iheart-imi angalaarnera naggaserlugu allagartartaarneq
Eqimattanut atuartitsineq
Nalinginnaasumik atuarnertut ingerlanneqartarpoq. Qulequttamik ataatsimik atuartitsineq 1 tiimi missaani minnerpaamik sivisussuseqartarpoq. Qulequttat tamakkerlugit ingerlanneqartussat minnerpaamik 11 tiimit atorlugit atuartitsissutigineqartarput.
Peqataasut annerpaamik 20-iunissaat innersuussutigaarput.
Ataasiakkaanut atuartitsineq
Piffissaliussat atorlugit atuartitassaq peqatigalugu atuartitsineq ingerlanneqartarpoq. Qulequttat atuartitsissutigineqartussat eqimattani atuartitsissutigineqartartut assigaat.
Meeraq atuartinneqalerpat angajoqqaat aamma immiussanik tuninineqassapput nammineq piffissartik naapertorlugu isiginnaarsinnaasaat. Immiussat katillugit 6 tiimi missaanniipput tassanilu meeqqamut ilinniartitsissutigineqartut angajoqqaanuttaaq tulluarsarlugit tunniunneqassapput. Immiussat tuluit oqaasii atorlugit immiussaapput.
Angajoqqaanut immiussat atuartitsinermi akimut ilaareerput.
11 tiimit atuartitsineq meeqqamut ataatsimut:
Akia: 4500kr.
Paasissutissat ugguuna takusinnaavatit https://iheartprinciples.com/young-people/
Ungasianiik atuartitsineq (onlinekkut atuartitsineq)
Atuartunut ataasiakkaanut eqimattanullu atuartitsineq ungasianiik ingerlanneqarsinnaavoq onlinekkut atuartitsinermik taallugu.
Kikkut atuartinneqarsinnaappat?
Meeqqanut inuusuttunut 9-18-nik ukiulinnut atuartitsineq naleqqussagaavoq.
- Atuarfeqarfinnut
- Ilinniartoqarfinnut
- Najugaqatigiinnut
- Timersoqatigiinnut
- Pinaveersaartitsinermik sulialinnut
- Tarnikkut timikkullu peqqissuuneq pillugu suliannut
Qanoq iluaqutigisarpaat?
- Tatitussuseq imminut tatigilerneq naleqartilernerlu
- Isumaliortaatsikkut peqqissuuneq annikinnerusumik ersiorneq, nikallunganeq, uippakajaarneq pinngitsuuisinnaajunnaarnerlu
- Piumassuseqarneq, ineriartorneq, peqataaneq, ataavartumik pisinnaalerneq, iluarsiissutissanik ujartuisinnaalerneq
- Pissusilersuutit, imminut kamannermi, immikkoortitsinermi, akornusersuinermi, sakkortusaarnermi naqqissinnaalerneq
- Inunnut attaveqarneq, inissaqartitsineq, assigiinngissusermik ataqqinninneq, suleqatigiinneq, ilinniartitsisunut/ilaquttanut allanullu attaveqarluarneq
iheart principles suugami?
iheart principles aningaasaateqarfiuvoq tuluit nunaanni angerlarsimaffilik. Meeqqat inuusuttullu tarnikkut peqqissuunermik atuartitsinermik ingerlataqartuupput. Saniatigut atuartitsisussanik ilinniartitsineq ingerlatarivaat.
iheart principles nittartagaa ugguuna alakkarneqarsinnaavoq https://iheartprinciples.com
Pinaveersaartitsisa kingusinaartinnata
Atuartitsineq pinaveersaartitsinermik suliaqartuuvoq. Upperaarput meeqqat inuusuttullu ilungersorpallaalertinnagit inuunermi atugassatik tamaasa pigereerneranik paasinnilernissaat pingaaruteqarluinnartuusoq inuunermilu atugarissaarnerulernissaannut aqqutaasoq.Taamaasillutik inuunerminni qanorluunniit ikkaluanik aqqusaagaqarnerminni tatitussuseqartumik isumaliortaatsikkullu peqqissuunerannik peqarlutik ingerlaarsinnaanngussammata.
Misissuinerit oqaaseqaatillu
